Вдовицата на убиениот српски политичар од Косово Оливер Ивановиќ, Милена Поповиќ Ивановиќ е во врска со Игор Јуриќ, таткото на брутално убиената тинејџерка Тијана и тие деновиве ја обелоденија врската која започнала пред помалку од две години.

Игор Јуриќ бил разведен кога влегол во врска со вдовицата на Оливер Ивановиќ, и покрај криењето, често заедно се појавувале на јавни места, пишуваат српските медиуми.

Последните година дена двојката живее заедно во центарот на Нови Сад.

-Ќерката на Игор Сашка и синот на Милена Богдан од почетокот знаат за нивната врска, и често се сите заедно, на семејни ручеци и вечери, објавија медиумите.

Милена Ивановиќ синоќа објави заедничка фотографија со Игор Јуриќ со коментар „љубов“. Потоа им пристигнаа стотина позитивни коментари и многу малку негативни, кои Милена подоцна ги избришала.

Милена Ивановиќ Поповиќ остана без сопругот Оливер на 16 јануари 2018 година кога е убиен додека излегувал од просторијата на својата партија во Северна Митровица. Со Оливер го има синот Богдан.

Игор Јуриќ е основач на Фондацијата „Тијана Јуриќ“, именувана по неговата настрадана ќерка. Тијана, тогаш на 15-годишна возраст, во ноќта меѓу 25 и 26 јули 2014 година во Бамок ја грабна, а потоа и ја уби Драган Ѓуриќ, кој поради тоа е осуден на 40 години затвор.