Возач на автобус од Скопско вчеравечер пријавил во полиција дека бил нападнат од возач на „Ауди“ со кого направил сообраќајка, а напаѓачот потоа избегал од местото, соопшти МВР.

„На 03.09.2025 во 21:30 часот во СВР Скопје С.А.(42) од с.Чифлик, скопско, пријавил дека на подрачјето на Кисела Вода, по претходно случена сообраќајна незгода помеѓу автобус „ман“ со скопски регистарски ознаки управуван од пријавителот и патничко возило „ауди“ со скопски регистарски ознаки, управувано од едно лице, бил физички нападнат од возачот на возилото, кој потоа го напуштил местото на настанот. С.А. се здобил со телесни повреди, констатирани во Комплексот клиники „Мајка Тереза“. Се преземаат мерки за расчистување на случајот“, пишува во полицискиот билтен.