Во сенка на воениот конфликтмеѓу Израел и Иран, раководството на израелската кошаркарска лига е на чекор од донесување одлука за прекин на сезоната без финален исход. Третиот и одлучувачки натпревар од плејоф-серијата помеѓу Макаби Тел Авив и Хапоел Ерусалим нема да се одигра. Серијата моментално е израмнета на 1-1.

Последниот обид натпреварот да се одигра во Ејлат пропадна, откако израелската војска ги отфрли сите предлози, повикувајќи се на безбедносни причини. Дополнително, странските играчи на Макаби, кои живеат во подрачја директно погодени од нападите, јасно истакнале дека немаат намера да настапат во вакви услови.

Сè уште не е донесена конечна одлука за тоа како ќе заврши првенството. На маса се две опции, титулата да ја поделат двете екипи или сезоната да биде поништена без да се прогласи шампион.

Наредниот состанок на раководството на лигата ќе биде клучен за оваа одлука и се очекува во наредните денови да се знае исходот на оваа несекојдневна ситуација.

Израелска армија: Уништивме една третина од иранските лансери земја-земја