Означен е почетокот на градежните работи на Специјалната болница за онкологија Медикол, , објави денеска истоимената групација, наведувајќи дека инвестира 106 милиони евра во проектот, кој ќе им донесе на пациентите сосема ново ниво на онколошка нега, пренесува 24часа.хр

Со изградбата на тој центар, велат тие, Хрватска ја добива најголемата приватна специјална онколошка болница во регионот, што, заедно со капацитетите на јавниот систем, ќе обезбеди побрз и подобар пристап до лекување, со цел намалување на смртноста од рак и подобрување на квалитетот на живот на пациентите.

Тие забележуваат дека Владата му доделила на проектот статус на стратешки инвестициски проект во 2023 година, бидејќи претставува клучен чекор напред во зголемувањето на капацитетот за лекување на онколошки пациенти.

Болницата се гради во три фази на површина од 55.000 квадратни метри.