Полициски службеници на СВР Тетово во содејство со Управата за јавни приходи и Државен трудов инспекторат вчера од 12 до 13 часот спроведоа акциска контрола во три трговски објекти во Тетово, при што во два од нив откриени и одземени се повеќе производи поради сомнение дека сопствениците на објектите сториле кривично дело „повреда на права од индустриска сопственост и неовластена употреба на туѓа фирма“.

„Против Б.Н.(42) и З.Н.(54) од Тетово, сопственици на објектите, по целосно документирање на случајот ќе бидат изготвени поднесоци по член 285 од Кривичниот закон“ информираше портпаролот на СВР Тетово Марјан Јосифоски.