Десетици израелски воздушни напади беа пријавени во близина на Кан Јунис во јужниот дел на Појасот Газа, градот Газа на север и областа Деир ал-Балах во централниот Појас во текот на ноќта, при што загинаа најмалку три лица, се наведува во извештаите на палестинските медиуми.

Немаше потврда или коментар за нападите на Израелските одбранбени сили (ИДФ), кои вчера започнаа проширена офанзива против палестинската милитантна група Хамас во Газа, објави „Тајмс оф Израел“.

Како што објави Ал Џезира, израелските сили започнаа околу 30 воздушни напади врз неколку делови од градот на југот од Појасот Газа, а бомбардирана беше и фармацевтската лабораторија на медицинскиот комплекс Насер во Кан Јунис, додека телата на Палестинците убиени во други напади беа донесени во болницата.