Министерството за земјоделство соопшти дека во Србија нема сомнителен или потврден случај на шап и лигавка, а последниот случај на оваа болест е регистриран во 1996 година, на територијата на Косово, пренесува Н1. Во соопштението се наведува дека, доколку земјоделските производители се сомневаат на болеста, потребно е веднаш да го известат ветеринарниот инспектор или нивниот ветеринар.

На состанокот на стручно-оперативниот тим на Кризниот штаб за превенција, сузбивање и искоренување на шап и лигавка, беше истакнато дека е строго забрането внесување на храна од животинско потекло во Србија, вклучително и онаа што ја консумираат патници, доколку содржи производи од животинско потекло од земји каде што се потврдени случаи на болеста или се спроведуваат мерки, имено, рестриктивни области во Турција, Австрија, Словачка.

Договорено е и да се испрати писмо до амбасадите на сите земји каде што е регистрирана шап и лигавка со насоки за мерките кои важат во Србија и задолжителните процедури при влез во Србија, со цел да ги информираат своите граѓани за ова. Писмото ќе биде испратено и до Туристичката организација на Србија. Министерството за земјоделство, шумарство и водостопанство апелира до граѓаните на Србија кои доаѓаат од странство за време на патувањето да не носат храна која содржи производи од животинско потекло за лична употреба, бидејќи граничните служби ќе ја одземат, објави Коссев.