Во сабота, на 25-ти септември, ќе се организира велосипедска тура до Кајмакчалан посветена на планинарката Калина Велевска, која загина во 2018 година искачувајќи се на врвот, заедно со Александар Миновски.

„На турата, другар на Калина ќе го вози нејзиниот велосипед. Во нејзино сеќавање и спомен ќе возиме до врвот Кајмакчалан, највисокиот врв на планината Ниџе“, пишува во објавата на настанот.

Организаторите напоменуваат дека во случај на лоши временски услови, турата ќе биде откажана.

Таа е со должина од 64 километри (одење – враќање) со вкупна денивелација од 2.080м., искачување до 2.521м. Турата е категоризирана како многу тешка и е за велосипедисти со многу висока психо/физичка подготвеност, велат организаторите.