Воочи доделувањето на Оскарите, познати се и номинациите за Златна малина, награда која му се доделува на најлошото остварување во Холивуд во текот на изминатата година.

Мјузиклот „Мачки“ доби девет номинации,  а потоа следуваat петтиот дел од франшизата „Рамбо“ и комедијата „Семеен погреб на Медеа“ со по осум номинации.

Спротивно на традицијата, имињата на победниците ќе бидат објавени по вечерашното доделување на Оскари.

Меѓу номинираните се и неколку оскаровци, како Џуди Денч, Ен Хатавеј, Метју Меконахи и режисерот Том Хупер.

Освен овие три наслови, за најлош филм конкурираат и психолошкиот трилер „Фанатик“ со Џон Траволта во главната улога и хоророт „Прогонувањето на Шерон Тејт“.

За Златна малина за најлош актер номинирани се Меконахи, Траволта, Џејмс Франко, Силвестер Сталоне и Дејвид Харбор, а кај жените, Денч, Хатавеј, Хилари Даф, Франческа Хејворд и Ребел Вилсон.