Актуелниот израелски министер за финансии  од екстремната десница  изјави  дека се надева оти Израел ќе го прошири суверенитетот над окупираниот Западен Брег во 2025 година и ја повика владата побара од  администрацијата на Трамп поддршка од Вашингтон.

Екстремно десничарскиот министер за финансии на Израел, Безалел Смотрич, наредил да се подготват за анексија на населбите на Западниот Брег, окупирани од Израел, пренесува Си-Ен-Ен.

Смотрич, кој е задолжен за населените места, во понеделникот рече дека му наложил на неговиот оддел да ја „подготви потребната инфраструктура за практикување на суверенитетот“.

Не е јасно дали неговата долгогодишна цел за примена на целосно израелско право на населбите на Западниот Брег има некакви шанси да се реализира наскоро.

Од кабинетот на премиерот Нетанјаху  се уште не ја коментираат наредбата на Смотрич. Сепак, претходно , новиот министер за надворешни работи Гидеон Саар на прес-конференција рече дека владата сè уште не донела одлука за прашањето за анексијата, но истакна дека ова прашање било разговарано за време на првиот мандат на Доналд Трамп во САД и додаде дека „Ако е релевантно, повторно ќе биде тема на разговор со пријателите во Вашингтон“.

Според Си-Ен-Ен, набљудувачите проценуваат дека најавата на Смотрич веројатно е мотивирана најмногу од заземањето политички простор во сложената внатрешна политика на Израел.

Барањето за анексија на Западниот брег  беше осудено од палестинските власти, чие министерство за надворешни работи ги опиша таквите коментари како „очигледно колонијално и расистичко продолжение на кампањата за истребување и принудно раселување против палестинскиот народ“.

Портпаролот  на палестинското претседателство,  оцени  дека коментарите на Смотрич ја потврдуваат „намерата на израелската влада да ги финализира своите планови за преземање контрола на Западниот Брег до 2025 година“ и рече дека ги смета за одговорни „израелските окупациони власти“ и американската администрација. за да му овозможи на Израел „да продолжи со своите злосторства, агресија и непочитување на меѓународниот легитимитет и меѓународното право“.

Министерот Смотрич  пак во изјава пред израелскиот парламент оцени  дека победата на новоизбраниот американски претседател Доналд Трамп на изборите „ отвара  важна можност за државата Израел“.

Тој изјави дека единствениот начин да се отстрани „заканата“ од палестинска држава е „да се изврши израелски суверенитет над сите населени места во Јудеја и Самарија“, што е библискиот термин што Израелците го користат за Западниот Брег.

Израел го окупираше Западниот Брег откако ја зазеде територијата од Јордан во 1967 година. Во децениите оттогаш, тој ги прошири еврејските населби во областа, кои се сметаат за нелегални според меѓународното право, и покрај тоа што потпиша серија мировни договори со Палестинците во 1990-тите.

Околу половина милион Израелци живеат во населбите  на Западниот Брег. Смотрич, кој и самиот е доселеник, долго време бараше примена на израелскиот закон во населбите и  се спротивставуваше  на создавање независна палестинска држава.

Тој  изјави дека има намера да „ да ја спроведе  владина одлука“ која ќе му овозможи на Израел „да соработува со новата администрација на претседателот Трамп и меѓународната заедница за да го практикува суверенитетот и да постигне американско и меѓународно признавање“.

За време на првиот претседателски  мандат, Трамп направи неколку чекори во корист на Израел. Во 2017 година, тој го призна Ерусалим како главен град на Израел, суспендирајќи  ја децениската политика на САД и меѓународниот консензус. Трамп , исто така, го призна израелскиот суверенитет над Голанската висорамнина, која Израел ја зазеде од Сирија за време на војната во 1967 година, а која исто така, според меѓународното право,  се смета за окупирана територија.