Екипи од Општина Карпош, во изминатиов период работеа на санација и реконструкција во одделни делови во општината, каде биле пријавени  проблеми од жителите на Карпош.

Овие денови беа поставени 14 попречни столпчиња во правец на булеварот Партизански одреди до платото на „Лептокарија“ во Карпош 3, со цел да се обезбеди движењето на пешаците кои поминуваат преку паркингот. На улицата Бахар Моис, во Тафталиџе, беше реализирана нова патека, која ќе биде од големо значење за безбедноста на пешаците кои го минуваат овој пат – информираат од Карпош.

Оттаму додаваат дека во урбаната заедница „Кузман Јосифовски Питу“ се санирани пешачки патеки и извршена е реконструкција на отворите за вентилација на подземните гаражи.