Во јули 2025 година се издадени 401 одобрение за градење, што е за 7,2 отсто повеќе во однос на истиот месец лани, соопшти Државниот завод за статистика.

Вкупната предвидена вредност на објектите изнесува 31,7 милијарди денари, што е за 345,3 проценти повеќе, поради одобрението за изградба на ветерен парк во општините Штип, Радовиш и Карбинци, со вредност од 500 милиони евра.

Одобренијата се однесуваат на 228 објекти од високоградба, 46 од нискоградба и 127 за реконструкција. Како инвеститори, 57,9 отсто се физички лица, а 42,1 проценти деловни субјекти. Предвидена е изградба на 667 станови со вкупна корисна површина од 60.676 метри квадратни.