Oбвинителство во Вупертал објави дека е уапсено и трето лице во обидот за уценување на семејството на тешко повредениот поранешен ас на Формула 1, Германецот, Михаел Шумахер, објави германската новинската агенција ДПА.

Третото лице кое е уапсено во минатото работело како обезбедување на семејството. При апсењето полицијата пронашла низа на докази кои веднаш биле проследени до обвинителството.

Кон крајот на јуни полицијата претходно уапси две лица, татко и син под соменвање дека се заканувале на семејството на Шумахер со објавување на фотографии на кои се гледа во каква состојба е славниот возач.

Истрагата полицијата ја доведе до поранешниот работник во обезбедувањето на семејството. Семејството на Шумахер ја штити неговата приватност откако во декември 2013 година на скијање доживеа тешка повреда на главата. Од тогаш Шумахер не се појавил во јавноста и за неговата состојба не се знае многу. Поранешниот шампион во јануари наполни 55 години.

Двајца уапсени поради обид за уцена на семејството на Михаел Шумахер