Цените на услужните дејности на давателите на услуги во Хрватска се зголемени за 7,5 проценти во првиот квартал од оваа година во споредба со истиот квартал од 2024-та, а услугите за сместување, за 16,1%, покажуваат податоците на Државниот завод за статистика (ДЗС), пишува хрватски Индекс.

Цените се зголемени и кај дејностите поврзани со управување и одржување на згради и уредување и одржување, за 14,8 проценти.

Од услужните дејности во кои цените паднале во споредба со првиот квартал од минатата година, ДЗС ги наведува само водниот транспорт, со пад на цените од 10,4 проценти, емитувањето програми за 7,2 проценти и категоријата други професионални, научни и технички дејности за 6,2 проценти.

Во споредба со последниот квартал од минатата година, цените на давателите на услуги во услужната индустрија исто така се зголемиле во првиот квартал од оваа година, за вкупно 3,1 процент.