Шабац, Чачак, Чуприја, Крагуевац и Рума се градовите во Србија каде што најбрзо се добиваат градежни дозволи, благодарение на тоа што овие локални самоуправи имаат сертификат за поволно деловно опкружување. Од друга страна, речиси 60 отсто од градовите и општините доцнат со издавање одобренија за градба.

Официјалната статистика покажува дека во Србија лани биле поднесени вкупно 148.907 барања за градба, а зголемување на бројот на издадени одобренија за градба е забележано во сите региони. Сепак, како што е наведено во новиот извештај на Националната алијанса за локален економски развој (НАЛЕД), локалните самоуправи кои имаат сертификат за поволно деловно опкружување или се во процес на сертификација, издале дури четири пати повеќе дозволи и за двојно подолго време, објави БлицБизнис.

Имено, од НАЛЕД наведуваат дека додека просечната општина издава околу 600 градежни дозволи на годишно ниво, локалните самоуправи со сертификат БФЦ ја зголемуваат таа бројка за четири пати – на околу 2.400 дозволи во текот на годината. Меѓу нив, најголем број дозволи лани се издадени во Нови Сад, каде што се решени 15.325 барања, а потоа следуваат Крагуевац и Ниш со околу 5.500 и 4.300 решени барања.