100-годишна статуа на капетанот Џејмс Кук е исечена и урната, а споменикот на британската кралица Викторија е обоен во црвено во Мелбурн. Вандалскиот чин се случил во пресрет на Денот на Австралија, национален празник, а полицијата соопшти дека истражува кој стои зад делото.

Денот на Австралија, кој се слави на 26 јануари, е годишнина од слетувањето на британската флота во Сиднеј Ков во 1788 година, односно почетокот на колонијалната ера. Вандалите напишаа „Колонијата ќе падне“ на основата на статуата на Кук.

Anti-Israel protesters in Melbourne tore down the statue of Captain Cook today ahead of tomorrow’s celebrations of Australia Day.

They also wrote “the colony will fall” on the monument.

These protesters hate Western civilization… pic.twitter.com/DT1bS3Lhyu

— Visegrád 24 (@visegrad24) January 24, 2024

Полицијата соопшти дека и двата споменика се оштетени денеска во раните утрински часови. „Според нашите информации, статуата на Џејмс Кук била отсечена кај глуждовите. Во моментот на инцидентот во областа биле забележани неколку лица“, соопшти полицијата во австралиската држава Викторија.

Споменикот од 1914 година го одбележува патувањето на Кук од 1768 до 1771 година, за време на кое тој го нацртал источниот брег на Австралија, што го отворил патот за подоцнежната одлука за испраќање на Првата британска флота предводена од капетанот Артур Филип.

Ова не е прв пат Кук да биде вандализиран на или околу 26 јануари. Во 2022 година беше обоен со црвена боја, а во 2018 година на него беа испишани зборовите „нема гордост“, а покрај статуата беше поставено знаме на Абориџините.