Општинската администрација на Ѓорче Петров заедно градоначалникот Александар Стојкоски, екипи на ЈП „Македонски шуми“ и тимот на „Адинг“ почнаа со голема акција на пошумување на опожарените површини во атарот на село Кучково!

 Повеќе од 20 хектари ќе бидат покриени со нов живот – над 40.000 садници црн бор, чемпрес и јасен ќе ја враќаат природната убавина и ќе придонесат за поздрава животна средина. Ова е важен чекор кон обновата на природата, која беше уништена од пожарите пред неколку години, но и потсетник дека сите заедно можеме да направиме промена! – истакна градоначалникот Стојкоски.

Тој им се заблагодари на сите учесници во акцијата и нагласи дека нивната посветеност е пример за тоа како се гради подобра иднина за сите.