Каде и да работите, некои работи се исти, а тука пред сè мислиме на работите кои шефот ги забележува кај вработените.

Ова се некои од тие работи:

1. Кога доаѓате на работа

Секој работодавец ќе го цени тоа ако секое утро доаѓате неколку минути порано на работа, но ако веќе не можете да се присилите на тоа, тогаш барем секогаш доаѓајте на време. Никој не сака луѓе што доцнат.

2. Кога заминувате од канцеларија

Како што не е паметно да доцните на работа, така не е паметно ни да си заминете порано. Можеби мислите дека тоа никој не го гледа, но верувајте, гледа. Ако веќе морате да си заминете порано, тогаш претходно разговарајте со вашиот шеф.

3. Како се облекувате

Иако деловниот изглед не е ваш стил, треба да се прилагодите на политиката на фирмата. Сите останати модни комбинации оставете ги за своето приватно време.

4. Колку користите технологија

Пред сè овде мислиме на тоа дали го користите својот телефон за деловни повици или за да договорите попладневно кафе со пријателите.

5. Зборови што ги користите

Не мораме да повторуваме кои зборови не смеете да ги користите пред вашиот шеф, но ни пред останатите колеги, кои се негови очи и уши.

6. Колку долго останувате на пауза

Ако имате пауза од половина час, тоа не значи 35 минути. Тоа значи точно 30 минути, и ако и за тоа мислите дека никој не брои – да знаете дека брои.

7. Како управувате со своето време

Важно е да си дадете приоритет и да се држите до роковите, а сè што можете да направите и пред истекувањето на рокот, направете го, вашиот шеф многу ќе го цени тоа.

8. Дали сте дел од тимот

Секој од нас има право на лоши денови, но луѓето кои никако не можат да се согласуваат со останатите колеги и да бидат тимски играчи, не се премногу посакувани. Вашиот шеф сака да види дека дека сте дел од тимот.