Пратеничката од ВМРО-ДПМНЕ Дафина Стојаноска, во вечерашното гостување во поткастот „ВМРО-ДПМНЕ Зборува“ изрази уверување дека мерките што ги презела Владата веќе даваат резултати.

Стојаноска се осврна и на периодот кога ВМРО-ДПМНЕ беше во опозиција и го критикуваше претходниот владин состав.

„Кога ВМРО-ДПМНЕ како опозиција ја критикувавме тогашната власт дека вештачки ги зголемуваа платите, кога ги предупредувавме на она покачување на минималната плата дека Македонија ќе ја направат држава на луѓе со минимални плати, тогаш тие одеа само со популистички мерки, сметајќи дека можеби на тој начин ќе го задржат столчето на власт, но видовме како катастрофално завршија. Затоа што од едната страна вештачки ги покачуваа платите на вработените, а од друга страна нормално дека инфлацијата растеше“, рече Стојаноска.