Владата на Венецуела денес објави дека ги зголемила безбедносните мерки околу амбасадата на САД во Каракас откако бил откриен наводен план за напад врз тој објект. Главниот преговарач на Венецуела, Хорхе Родригез, утрово изјави дека десничарските екстремисти планирале да постават експлозиви во дипломатската мисија на САД во главниот град на Венецуела, објави Блумберг.

Соопштението доаѓа во време кога тензиите меѓу САД и Венецуела се на врвот откако американската војска испука ракети кон неколку бродови во Карипското Море во текот на изминатите пет недели, тврдејќи дека тие транспортираат дрога во САД.

Во 2019 година, првата администрација на Трамп ги повлече американските дипломати од амбасадата во Каракас и ја призна владата на Николас Мадуро, оставајќи само локален тим во својата дипломатска зграда, додека американскиот дипломатски персонал беше преместен во Богота.

Родригез потврди дека известил европска амбасада да ги сподели информациите со американските претставници.