По реакциите на социјалните мрежи дека на логото по повод 30 годишнината од независноста на државата е погрешено државното знаме, од владината прес служба велат дека јубилејното лого за „30 години независност“ е составено од повеќе елементи, меѓу кои и сонцето, велат за „Слободен печат“

-МК30 логото за јубилејот „30 години независност“ е составено од повеќе елементи, меѓу кои и сонцето. Логото не го содржи државното знаме. Сонцето кое е употребено во логото е различно од сонцето од државното знаме. Користењето на државното знаме е јасно уредено со Закон- велат од владиниот оддел за односи со јавност.

При денешната презентација на јубилејното лого „30 години независност“, владините потпароли истакнаа дека логото е историски заснована, национална, црвена основа и обединети се симболите со кои се потенцира 30-годишнината од независноста.

Додека, Сонцето, каде што се разликува од она што е на државното знаме и за кое има реакции на социјалните мрежи дека е погрешно креирано, според владините преставници, го преставува уставното име, меѓународниот МК код, а бројот 30 раскажува за државноста.