Киното „Киноверзум“ во 2019 година било отворено со цел да им се разубават студентските денови на студентите на кампусот на универзитетот „Меѓународен славјански универзитет“ во Свети Николе. Интересот за гледање на филм на големото платно се проширил многу подалеку од границите на кампусот, па карти почнале да се купуваат и до околните градови. Михаела Ѓорѓева за пет години го создава ланецот на кина во неколку градови од Македонија.

– Сфативме дека интересот за кино од населението во регионот е голем, со оглед на фактот дека има недостаток на културни институции во помалите градови, па ги отворивме вратите на „Киноверзум“ за сите. Почна да доаѓа публика од Штип, Радовиш, Велес … Така и се разви идејата еден ден да отвориме кино и во овие градови. Сфативме дека „Киноверзум“ треба да се развие на нешто повеќе, не само едно кино на една локација – изјави во емисијата „Слободен печат“ Ѓорчева.

Нашата соговорничка е голем љубител на филмови, така и се родила желбата да направи свое кино. Патот не бил едноставен бидејќи немала прототип од каде да учи како се создава кино.

– Ги гледавме моделите на тoа како работат кината овде, но ги набљудувавме и кината во Хрватска, Србија … се обидувавме да најдеме некој уникатен модел кој би функционирал овде кај нас, така настана „Киноверзум“-рече таа.

Во 2022 година името на Ѓорчева се вбројува во листата на најдобри претприемачи до 30 години во Европа во престижното американско списание „Форбс“.

– Во моментот кога се одлучивме да не го развиваме „Киноверзум“ поради последиците од короната, се случи престижното признание на „Форбс“. Таму бев пријавена со проектот Киноверзум од моите колеги во киното. Искрено не очекував дека ќе бидам одбрана јас, се надевав, но кога го добив имејлот на многу начини проверував дали е вистина, не ми се веруваше – вели таа.

„Форбс“ ѝ го менува живото и ѝ ја носи кариерата во нагорна линија. Посетата на бројни самити низ светот и дава можност да се запознае со звучни имиња од бизнис светот, меѓу кои и приликата за кратка средба со Хилари Клинтон.

Интересно е, вели Ѓорчева, тоа што секоја киносала работи различно.

– Не е дека ние тоа го планиравме или цепевме кон тоа, но органски се создададе таква средина. На пример во киното Кисела Вода претежно доаѓаат деца, најчесто се организираат детски родендени, најгледани во ова кино ни се цртаните. Во Штип, пак публиката е од 14 до 30 години. Во Велес имаме микс од повеќе генерации – раскажува Ѓорѓева.

За летово таа најави одлична голема забава за гејмерите (љубителите на видеоигри). Вели, за првпат во Македонија ќе може да се играат игри на големото платно.

Погледнете го целиот разговор во продолжение: