„Ние географски припаѓаме во Европа и ако дозволиме како народ овие 20 и нешто отсто кои се против ЕУ, врз основа на релевантни анекти, да не победат нас 78 отсто кои сме за ЕУ, тогаш имаме проблем самите со себе“ рече пратеникот од СДСМ, Ненад Коциќ во утринската програма на „Слободен печат“.

Тој додаде дека анкетите на кои се повикува ВМРО-ДПМНЕ во кои тие имаат огромна предност, се нарачани токму од нив и дека нивните анкети покажуваат поразлична слика од тоа што опозициската партија сака да го прикаже.

„Факт е дека во сите анкети, повеќе од половина од граѓаните не се искажуваат за кого би гласале“ рече Коциќ.

Пратеникот додаде дека најдобрата опција моментално за иднината на земјата, за децата да не бегаат во странство и да не се иселуваат е да се интегрираме во ЕУ.

Целото интервју со Ненад Коциќ погледнете го во продолжение: