Дарко Беровски е креатор на платформата „Спознавање“, која започнала како спонтан проект со мисија да промовира алтернативно уметничко изразување на младите креативци. Платформата организира и настани, а последното издание на „Спознавање“ било во сито-печат  и промовирано преку социјални медиуми.

Списанието е основано како дигитален медиум во јуни 2022 година, кое прерасна во печатен медиум со пет изданија. Ова движење има за цел не само да го зајакне медиумското присуство на младите уметници, туку и да ја врати навиката за читање печатени медиуми кај младите.

Идејата за неговото списание произлезе во неговите студии во Берлин, читајќи еден весник, со цел да креира печатено списание во кое длабински ќе интервјурира само музичари.

-„Спознавање“ почна сосем спонтано. На првото издание беа вклучени околу 5 фотографии, од помлади најчесто, и исто така со текот на времето се вклучија и графички дизајнери, но и луѓе што пишуваа колумни – раскажува Дарко за „Слободен печат“.

Втората идејна точка на Дарко и неговиот тим беше организирање на настани. После првиот успешен настан, тие организирале уште пет.

-Досега сме соработувале со МКЦ Скопје, каде го организиравме првото и второто издание, второто издавање беше во соработка со „Здраво Млади“. А третото и четвртото издание се префрливме во „Лабораториум“. На нашето последно издавање на списанието имавме и свирки, а веќе со тек на време, самите настани прераснаа во изложба и базар.

Беровски нагласува дека секој може да предложи свои идеи и да учествува. Платформата е отворена за нови изрази и различни видови на креативност.