Половни делови за автомобили, објективи за фотоапарат, гардероба од втора рака, но и нова рибарска опрема  и алатки се само дел од понудата која ја има на Бувјак-пазарот во Маџари.

Два пати неделно во оградениот простор кај „Технометал Вардар“ во скопската населба Маџари од рано наутро се местат импровизирани тезги на кои се нуди сè и сешто.

Искусните пазарџии знаат дека мора да дојдат порано, па дури и пред разденување за да фатат подобра позиција.

Скопскиот Бувјак-пазар е место каде што ќе најдете од сè по нешто, носена но и нова облека и обувки.

Има и бела техника, но и апарати за домаќинство. Интересно е што на самото место може да ви извршат поправка на она што е расипано.

Каква е атмосферата на Бувјак-пазарот погледнете низ камерата на нашиот фотограф Методи Здравев:

Погледнете го видеото во продолжение: