Што прават граѓаните со електронскиот отпад? Каде ги носите старите лаптопи, компјутери и електронски уреди што не ги користите? Колкава е свесноста на граѓаните за рециклирање на електронски уреди? „Слободен печат“ праша, а граѓаните одговорија.

Според одговорите на граѓаните, заклучивме дека дел од нив не знаат што да направат со старите електронски уреди кои не ги користат, а преостанатиот дел од анкетираните ги подаруваат, рециклираат или ги донираат овие уреди.

-Еден телевизор ми стои дома, затоа што не знам каде да го однесам. Не знам каде се поставени контејнерите за електронски отпад, инаку би ги користела – рече една повозрасна госпоѓа.

Додека пак кај помладите може да се забележи поголема ажурност на оваа тема кои беа запознаени со фактот дека низ градот се поставени контејнери за електронски отпад и воедно досега учествувале во еко-акции за електронски отпад.

-Па не ги фрлам во канта за ѓубре, туку ги рециклирам. Често има акции кои се одржуваат во моето училиште и тогаш сите одеднаш ги носам и ги рециклирам – изјави една млада девојка.