Колку Македонците се запознаени со процесот на рециклирање? Дали практикуваат да одлагаат отпад и да го рециклираат во соодветни контејнери? „Слободен печат“ спроведе анкета за тема рециклирање на која граѓаните го споделија нивното искуство и мислење.

Според одговорите на анкетираните, можеме да заклучиме дека мнозинството од луѓето рециклираат. Најмногу се рециклира пластика и шишиња во вендинг машините поставени низ маркетите.

– Најчесто рециклирам пластични шишиња, за почиста животна средина и од еколошки причини – изјави една госпоѓа.

Меѓу еден од анкетираните беше и едно момче кое три години живеело во Шведска и за камерата на „Слободен печат“ го сподели нивниот пример за рециклирање:

-Во Шведска има 8 различни контејнери за рециклирање за да може сепак материјалот повторно да се искористи и сметам дека кај нас народот треба поактивно да почне со рециклирање – изјави тој.