Претседателот на Србија, Александар Вучиќ изјави дека му се чини дека не само неговите политички противници, туку и нивните странски ментори мислат дека „сите во Србија се идиоти и дека никој нема очи и уши, дека никој не разбира што се случило синоќа“, пренесува Н1.

„Јас сум тој што беше на терасата, бев во Претседателството, на моето работно место и воопшто не се плашев од вас и нема да дозволам да ја уништите Србија“, напиша Вучиќ во објавата на Инстаграм.

View this post on Instagram

A post shared by Aleksandar Vučić (@buducnostsrbijeav)

„Сите видоа дека речиси три часа полицајците и имотот на граѓаните на Србија беа брутално нападнати од оние кои решија да ја уништат демократијата во Србија и волјата на народот“, нагласи Вучиќ во видео обраќањето на Инстаграм.

Тој рече дека во морето од лаги, едно е вистина, дека на терасата виделе човек кој личи на Вучиќ и го исвиркале.

„Точно, јас бев, на терасата на претседателството на моето работно место, воопшто не се плашев од нив, не се криев во ниту еден бункер, ниту во туѓа земја, и никогаш нема да се сокријам од насилниците. Ќе ја браниме и зачуваме демократијата, мирот и стабилноста во нашата Србија. Да живее Србија“, нагласи Вучиќ.