Претседателот на Соединетите Американски Држави (САД), Доналд Трамп денеска на прес-конференција официјално објави дека седиштето на Вселенските сили ќе се пресели од Колорадо во Алабама.

„Седиштето на Вселенската команда на САД ќе се пресели во прекрасно место наречено Хантсвил, Алабама, кое отсега ќе биде познато како Рокет Сити“, рече Трамп.

Тој најави дека преселбата ќе создаде 30.000 работни места во Алабама.

Трамп рече дека кога ги создал Вселенските сили во својот прв мандат, планирал да ги стационира во Алабама, но администрацијата на Бајден ги сместила во Колорадо.

„Проблемот што го имам со Колорадо, еден од најголемите проблеми, е тоа што тие користат гласање по пошта, преминаа целосно на гласање по пошта,“ рече Трамп од Белата куќа. „Тоа значи автоматски наместени избори. А ние не можеме да го дозволиме тоа. Кога една држава е за гласање по пошта, тоа значи дека тие сакаат нечесни избори, бидејќи тоа е суштината.“