Во  неделата во 10 часот во Градски парк ќе се одржи десеттата по ред женска трка Авицена. На трката се пријавиле дури 2.025 девојки и жени.

– Женската трка се одржува со цел да се подигне свеста за здравјето на жената и секоја година се организира на почетокот на април и е поврзана со Светскиот ден на здравјето, со исклучок во минатите две години кога поради пандемијата се  организираше во октомври. Трката, иако има натпреварувачки карактер, сепак е аматерска. Првите три најбрзи учеснички ќе добијат награди, но предвидена е лотарија благодарение на која награди ќе има и за другите натпреварувачки, рече денеска во Утрински брифинг Гордана Николовска од Сојузот на спортови на  Град Скопје, кој е организатор на трката.

Стартот и целта на трката ќе бидат на паркингот на Градски парк, а пријавените дами своите стартни пакети ќе можат да ги подигнат денеска и утре од 11 до 19 часот, во спортскиот центар „Борис Трајковски“, спроти хокеј лизгалиште.