Градоначалникот на градот Сан Педро Хуамело, во Јужно Мексико се ожени со Мигелана Естела де Мар Завалета Рамирез. Невестата е женски кајман, еден вид воден алигатор.

„Свадбата“ е традиција стара 230 години што го симболизира обединувањето на две домородни култури на Оахака, Чонтал и Уаве. Се верува дека носи просперитет на локалната заедница.

Градоначалникот Даниел Гутиерез учествуваше на симболичната церемонија, која се одржува секоја година, и ѝ рече „да“ на својата „принцеза“.

A mayor in Mexico married an alligator 🤣🤣 pic.twitter.com/8imgnK1y5J

— ScorpWeb (@Scorpwebb) July 1, 2025

Како дел од нејзината „свадба“, жителите ја украсија Мигелана Естела со бела венчаница и ја водеа на обиколка на неколку куќи во градот, придружени со танцова музика.

Гутиерез го запечатил својот сојуз со кајманот со бакнеж, симболизирајќи ја неговата љубов и посветеност кон својата заедница.

„Невестата“ ja претставува принцеза од Ваве, а градоначалникот кралот на Чонтал. Според легендата, кралска венчавка меѓу двете заедници пред векови донела мир меѓу нив. Стотици години подоцна, церемонијата се повторува, како симбол на мир и единство.

„За нас, тоа е ритуал во кој ја молиме Мајката Земја и нашиот творец за изобилство на култури, риба, секој производ што го произведува нашиот регион“, рече жителот Луис Мануел Лопез.

Прославата, со музика и танцување, трае три дена и е кулминација на свеченостите во чест на светецот-заштитник на градот, апостол Петар. За влекачот се грижи жена, таканаречената „кума“, која го облекува во традиционална, шарена облека и цветни покривки за глава.

„Хуамелула има толку богата традиција и култура што денес, како и секоја година, е во центарот на светот“, рече Гутиерез.