Политичките партии во основа го поддржуваат предлогот Македонија да биде една изборна единица со што би се демонтирал еднопартискиот систем на владеење.

Предлагачи се повеќе политички партии и мислам дека расправата ќе покаже дали поголемите партии се искрени околу овој пристап да се направат коренити промени, реформи во изборниот законик. Очекувам поддршка иако има пратенички групи и партии кои се против ваквите измени.

-Доколку Македонија стане една изборна единица ќе го има најобјективниот пристап во кој што сите можат да имаат листи и сите гласови од целата држава ќе се собираат на едно место. Ниту една партија не губи од ова, и што е најважно парламентот прв пат после толку многу години ќе биде составен од повеќе партии кои ќе одлучуваат за круцијалните прашања, ќе има услови за системски промени кои ќе доведат Македонија да се движи напред, вели за Утрински брифинг пратеникот од Демократски сојуз, Павле Трајанов.