Претставници на опозициската Демократска партија денеска превртеа столчиња во албанското Собрание, по што се собраа на говорницата во обид да ја попречат расправата за предлог-законите.

Опозициските пратеници ја блокираа говорницата со столчиња, а користеа и пиротехнички средства во салата, јавуваат албанските медиуми. Претседателката на Собранието на Албанија, Линдита Никола, на отворањето на седницата посочи дека се што се случува е „срам за албанскиот парламентар“.

„Заборавете дека парламентот не се фотелји, не е зграда, тоа е одговорност и волја која ви недостига“ рече Никола, обраќајќи и се на опозицијата.

И покрај опструкциите, Собранието усвои неколку предлог-закони за кои е планирано да се расправа на денешната седница, меѓу кои и измените на законот за државно правобранителство и за ратификација на договорот меѓу Албанија и Бугарија за социјална заштита.