Триесет и петгодишна жена е уапсена во Тајланд откако наводно се снимала себеси како има секс со будистички монаси, а потоа ги уценувала, соопштија властите. Вилаван Емсават, позната под псевдонимот Сика Голф, е обвинета за несоодветни врски со 13 монаси, а се соочува и со обвиненија за перење пари и примање украдена стока.

Локалните извештаи велат дека 35-годишната жена успеала да изнуди повеќе од 10 милиони евра од будистичките монаси користејќи видеа и фотографии од нивните сексуални средби како притисок.

Полицијата запленила пет од мобилните телефони на 35-годишната, во кои ги пронашла спорните видеа и фотографии. Во кадрите, виделе некои од монасите како носат традиционални портокалови облеки.

Истрагата резултираше со тоа што девет од 13 монаси беа исклучени од монашкиот ред, а се очекува бројот на исклучени лица да се зголеми.

Wilawan “Golf” Eamsawat has confessed to having intimate relationships with several senior monks and receiving over 385 million baht from them.

She faces three charges: aiding and abetting a public official in misconduct under Section 147, conspiracy to commit money laundering,… pic.twitter.com/tfo4ryiazK

— Thai Enquirer (@ThaiEnquirer) July 16, 2025

Истрагата беше поттикната од исчезнувањето на игуменот на храмот Ват Три Тотсатеп Воравихан во Бангкок минатиот јуни.

Како што се испостави, причината за неговото бегство била неговата љубовна врска со 35-годишната жена, која тврдела дека е бремена и му побарала 206.000 евра. Кога тој одбил да плати, 35-годишната жена им ја открила нивната врска на другите во храмот, поради што монахот го напуштил Тајланд.

Друг монах признал дека на Вилаван ѝ подарил автомобил за време на нивната врска, додавајќи дека била скршен кога открила дека има афера со друг монах. Кога ја прашал за тоа, таа наводно почнала да го уценува за пари.

Според податоците од банкарските сметки на Вилаван, во последните три години се случиле трансакции во вредност од над 10 милиони евра, при што властите се сомневаат дека значителен дел од овие пари доаѓаат од касата на храмот, а 35-годишната измамничка наводно потрошила огромни суми и на нелегални сајтови за онлајн коцкање.