Сопруга на убиениот десничарски активист Чарли Кирк, одржа емотивен говор во седиштето на „Трнинг поинт УСА“ во Аризона. Ерика Кирк стоејќи покрај празната столица што ја користеше нејзиниот сопруг за снимање поткаст, во пренос во живо им се заблагодари на службите за итна помош и на Белата куќа, а потоа им се обрати на злосторниците.

Таа цитираше делови од Библијата и зборуваше за неговата љубов кон Доналд Трамп, Џ.Д. Венс, САД и нивните две деца, пишува Би-Би-Си.

„Немате поим каков оган запаливте кај оваа сопруга, плачот на оваа вдовица ќе одекнува низ целиот свет како борбен повик. Секој треба да го знае ова: Ако мислевте дека мисијата на мојот сопруг претходно беше моќна, немате поим, немате поим сега што ослободивте низ оваа земја и светот“ порачаа таа.

ERIKA KIRK Speaks to America…and the World… for the first time since her husband was assassinated.
VERY POWERFUL and heart wrenching! pic.twitter.com/HyWlR8N3N3

— Elvin Unleashed (@Elvin_Unleashed) September 13, 2025

Кирк беше убиен во средата на универзитет во Јута, а осомничениот Тајлер Робинсон е уапсен.

Претседателот Доналд Трамп најави дека постхумно ќе му додели Медал на слободата, опишувајќи го како првак на генерацијата.

„Трнинг поинт УСА“ го нарече својот основач маченик и пионер. Потпретседателот Џ. Д. Венс го пренесе ковчегот во Феникс со владин авион.

Ерика Кирк, поранешна Мис Аризона и мајка на две деца, најави дека турнејата и подкастот на нејзиниот сопруг ќе продолжат.

Неиспуканите чаури на убиецот на Чарли Кирк со морничави гравирани пораки: „Еј, фашисту! Фаќај!“