Турскиот готвач Нусрет Гекче, попознат под надимакот Салт Бае, повторно се најде во центарот на вниманието, сега поради инцидент што се случил за време на славје на Пари Сен Жермен по нивната титула во Лигата на шампионите.

На социјалните мрежи се појави видео на кое се гледа како познатиот готвач, придружуван од неколкумина пријатели, се обидува да влезе на настанот, но обезбедувањето јасно му дава до знаење дека не е добредојден, а потоа го запираат и го туркаат назад. Инцидентот веднаш стана вирален и поттикна лавина коментари.

Гекче веднаш реагираше преку своите профили, негирајќи дека бил избркан и објасни дека се работи за погрешна интерпретација на ситуацијата.

„Не е вистина дека бев поканет, ниту пак дека таму имаше некаква забава. Само поминував и некој одлучи да снима и да направи драма. Немаше бркање, немаше конфликт. Напротив, застанав да се фотографирам со фанови и да поделам неколку автограми. Сè друго е чиста шпекулација и обид да се наруши мојата репутација“, вели Салт Бае.

Ова не е првпат славниот готвач да се најде во фокусот на јавноста поради својата желба да биде дел од елитата во спортскиот свет. Ќе потсетиме, на Светското првенство во Катар по финалето влезе на теренот без дозвола и позираше со аргентинските фудбалери, држејќи го дури и шампионскиот трофеј, нешто што предизвика критики од фудбалската јавност и самата ФИФА.

 

View this post on Instagram

 

A post shared by Luxury (@thexpensive)