Морничава снимка од двајца мажи кои се борат со мачети на улица во регионот Ланкашир во Англија беше објавена денеска на интернет.

Полицијата одговорила на повикот на местото на инцидентот во градот Моркам околу три часот попладне во неделата, по извештај за тепачка меѓу два наоружани мажи, пренесува Дејли мејл. На шокантната снимка подоцна објавена може да се видат двајца крвави мажи како замавнуваат со своето оружје еден на друг, додека минувачите врескаат.

Двајцата мажи се од Моркам и се на возраст од 31 и 26 години, а уапсени се заради сомнение за напад, рекла полицијата на Ланкашир, додавајќи дека е покрената истрага.