Српската народна партија на својот Твитер објави снимка од пресметката меѓу српскиот претседател Александар Вучиќ со опозиските политичари, меѓу кои беше и шефот на Српската народна партија и еден од лидерите на опозицијата Вук Јеремиќ. Се беше на работ на тепачка.

Претставниците на Народната партија, Вук Јеремиќ, Владимир Гајиќ, Мирослав Алексиќ, Борис Новаковиќ, се појавија во петокот во предворјето на претседателството на Србија по повикот на Вучиќ да дојдат и да се обидат да го линчуваат.

На почетокот на снимката Јеремиќ му порачува на Вучиќ дека е крадец и кукавица, а потоа тргнуваат повици за физичка пресметка.

Еве како изгледаше тоа со текст и видео:

Јеремиќ: Ајде излези. Сакаш заедно да излеземе?

Вучиќ: Да излеземе!? Ајде!

Јеремиќ: Ајде да излеземе!

Вучиќ: Сакаш тука напред да излезем?

Јеремиќ: Ти се претседател! Ајде! Сакаш  да излезам?

Вучиќ: Каде што сакаш! Каде сакаш!

Во тој момент обезбедувањето го предупредува Вучиќ дека не е паметно да излезат зошто надвор во живо се се пренесува. Јеремиќ истовремено му дофрла „ајде, ајде“, додека Бора Новаковиќ го прашува Вучиќ зошто сега бега.

„Сакам, да ме линчуваш, девојче. Сакам да ме линчуваш девојченце! Не смееш девојченце да ме линчуваш“, зборува Вучиќ пред крајот на снимката.