Ако ги погледнеме Деталните урбанистички планови ќе го насетиме тој голем апетит и на инвестиоторите и на архитетките и на планерите и сите инволвирани кои треба да се грижат за нормален и здрав начин на живеење. Проблемот околу парцела спроти Холидеј ин е настанат многу одамна. Но после повеќе од три ипол години ние сме во ситуација да сведочиме на нешто што ќе се случи.

Иако е алармирано доведени сме во таква ситуација. Ако ја видите последнат состојбата со таа парцела, Општина Центар последно што направи е пресметка на комуналиите за таа парцела. Град Скопје ја изготви пресметката. Комуналиите се околу 2.5 милиони евра кои што фирмата треба да ги плати на Општината, изјави во Утрински брифинг новинарот Сунаи Сабриоски и додаде дека со плаќање на комуналиите станува извесно дека таму ќе почне да се гради.

ДКСК води и предмет кој го опфаќа овој проблем. Во тоа време бизнисменот Зоран Антиќ, односно фирмата МГ Фешн поднесува барање за издавање на извод во Општина Центар кој му е даден и доставен до Министерството за транспорт и врски за да се направи таа продажба. Не може да каже ниту Богдановиќ, ниту сегашниот директор на Царината, Сугаревски дека не знаеле. А не како што сега тврдат дека се е во согласност со Закон и дека продажбата е направена согласно позитивното мислење на државното правобранителство, вели Сабриоски.

Целиот разговор погледенте го во видеото: