Aрина Сабаленка со убедлива победа против Чивен Женг во четвртфиналето на САД опен дојде до место во полуфиналето каде што ќе игра по осми пат во последните девет настапи на гренд слем турнирите.

На Сабаленка и беа потребни само 75 минути и на Женг ѝ дозволи вкупно само три гема. Минатата година Белорусинката играше во финалето, а за да го повтори тој успех ќе мора да биде подобра од Американката Ема Наваро.

Женг во текот на целиот меч немаше никаква шанса против Сабаленка која доминираше од почетокот до крајот.

Второто полуфинале ќе биде познато по мечевите помеѓу Хадад Маја – Мухова и Швјонтек – Пегула.