Заробениот руски командант се молел за „милост“ за силите на Путин кои ја нападнале Украина, велејќи дека тие биле вмешани со измама во инвазијата и дека им било кажано дека „владата е соборена од нацистите и дека е потребно ослободување“.

Човек кој рече дека е потполковник во специјалната единица на руската национална гарда, изјави за новинарите дека на неговите сонародници им бил „исперен мозокот“ за да ја поддржат војната, но откако лично ја видел ситуацијата во Украина, сега се чувствувал „засрамен“ од учеството во „геноцидот“ и вели дека Украинците имаат „право“ на отпор, пренесува Дејли Мејл.

Астахов Дмитриј Михајлович рече дека неговите сомнежи се оствариле кога видел двајца од неговите омилени боксери – Олександр Усик и Василиј Ломаченко – како се согласуваат да се борат за отпор.

И во острата порака до руските војници кои сè уште се борат, тој рече: „Ве молам, престанете пред да биде предоцна… Русија не може да победи овде. Ова е геноцид“.

„Ако некој дојде на мојата територија, јас би го направил истото како овие луѓе и би бил во право. Момци, бидете храбри. Вие сте во тензична ситуација, одете против сопствениот командант“, додаде тој.

Други затвореници со кои разговараа украинските сили, исто така, рекоа дека наредбата за нападот пристигнала набргу и дека им било кажано дека украинската влада е отстранета и дека ќе ја „ослободат“. Наместо тоа, тие влегоа во крвопролевање.

Ниту еден од нивните извештаи не може да се провери, а сите изјави веројатно се дадени под одреден степен на принуда.

ВО ЖИВО | Конфликтот во Украина, вести од минута во минута