За време на емисија на руската државна телевизија, руски војник јавно призна дека тој и неговите соборци им ги отсекувале показалците на заробените украински снајперисти. Изјавата беше дадена среде репортажа за војната во Украина и помина без прекин од водителите или реакции од продукцијата.

Во видеото, кое се прошири и на социјалните мрежи, војникот со ладнокрвие го опишува чинот, притоа не изразувајќи жалење или страв од последици. Признанието предизвика згрозеност кај меѓународната јавност, а дел од медиумите и правни експерти го окарактеризираа како индиректно признавање на воен злостор.

Last night on Russian state TV, during one of their main news shows, a soldier casually admitted to mutilating captured Ukrainian snipers, cutting off the index fingers on both hands.

Let that sink in.

Not leaked footage. Not hidden testimony. A public, televised confession of… https://t.co/9KSdVukyA9 pic.twitter.com/1zmWWODCnx

— Shaun Pinner (@olddog100ua) June 30, 2025

Сè уште нема официјален коментар од страна на Кремљ или руското Министерство за одбрана, додека украинските власти и организации за човекови права бараат итна истрага и меѓународна реакција, пренесуваат медиумите.

Инаку од почетокот на војната во Украина, имаше неколку извештаи за тоа како Русите намерно ги ампутираат екстремитетите на украинските затвореници, за да не можат да се вратат на бојното поле.

Руската агресија врз Украина влезе во својата четврта година, а оттогаш загинаа десетици илјади Украинци.