Русија во текот на ноќта започна масовен воздушен напад врз Киев и други украински градови, користејќи бомбардери и стотици дронови. Во целата земја беше прогласена воздушна тревога, дури и во региони далеку од фронтот.

Украинските власти соопштија дека најголема штета претрпеа Киев и Запорожје. Како што пренесува Ројтерс, во главниот град делумно е уништена петкатна зграда и оштетена станбена инфраструктура, при што пет лица се повредени. Во Запорожје, пак, нападите предизвикаа оштетување на повеќе куќи, станбени згради, училиште и производствени капацитети, а петмина беа повредени.

Russians destroyed entire streets in Kyiv an Kyiv region. Civilian homes and cars are on fire. pic.twitter.com/EgLZv1XL4S

— Victoria (@victoriaslog) September 28, 2025

„Проектили сè уште паѓаат врз градот“, предупреди градоначалникот на Киев, Виталиј Кличко, повикувајќи ги граѓаните да останат во засолништа.

Како одговор на нападите, Полска ги крена своите борбени авиони и привремено го затвори воздушниот простор над Лублин и Жешов поради „непланирани воени активности“.