Реал Мадрид попладнево си ја заврши својата работа и стигна до 27. победа во сезоната во Ла Лига по која уште вечерва ако Барселона не ја победи Џирона ќе може да започне со прослава на титулата.

До крајот на Ла Лига остануваат уште четири кола и затоа Барселона мора да слави за да остане математички во игра до крајот.

Денес избраниците на Карло Анчелоти немаа проблеми и лесно го совладаа Кадиз со 3:0.

Издржаа гостите во првите 45 минут, но во вториот дел го „положија оружјето“ пред фаворитот. Прво Диаз го отвори резултатот, потоа Белингам зголеми на 2:0, а конечните 3:0 ги постави Хоселу во судиското продолжение.

Кадиз со овој пораз остана во опасната зона на 18. позиција со пет бода помалку од Селта која е прва над линијата.