Неодамна Бошњаците формираа координативно тело за спроведување на пописот. Станува збор за чекор на невладини организации со чија соработка направивме иницијатива да се разграничат дилемите од минатото кои до некаде се уште постојат особено кога станува збор за именувањето на јазикот на заедницата, вели за Утрински брифинг пратеникот од Бошњачката заедница, Зекир Рамчиловиќ.

– Од друга страна пак сакавме да го опфатиме и оној дел кој повикуваше на бојкот на пописот и тука Бошњаците даваат целосна поддршка за одржување на пописот и во таа насока ќе биде и улогата на кординативното тело на терен да даде вистински информации во врска со попишувањето дека законот е изгласан, методологијата веќе е донесена и во сореаботка со институците да се вклучи во таа позитивна и информативна кампања, за навремено и правилно информирање на граѓаните, изјави пратеникот Рамчиловиќ.