Една од главните водоводни цевки вечерва пукна во населбата Влае. Порталот „24info“, објави видео на кое се гледа дека е поплавена цела улица, а како што се наведува, водата навлегува во дворови и во подруми од куќи.

Во меѓувреме, жители јавуваат дека нема вода во Хром, Ѓорче, Влае, Карпош, Капиштец… додека во Центар и Аеродром значително е намален притисокот.

Од ЈП „Водовод и канализација – Скопје“ соопштија дека се работи за сериозен дефект на водоводна цевка Ф600 мм на улицата „Франце Прешерн“ 100Д во населбата Влае, поради што голем дел од градот е без вода, а останатите делови имаат намален притисок.

Водоснабдувањето ќе биде прекинато до завршување на работните активности, информираат од претпријатието.