Секогаш е добро да се поставуваат големи цели. Мислам дека без нови вредности човештвото не може да се развива. Дали тоа е развојот на вештачката интелигенција, и дали универзитетите ќе се менуваат оставаме на времето но мислам дека покритички треба да се поставуваат овие прашања, вели проф. Владимир Трајковиќ од ФИНКИ за Утрински брифинг.

-Сметам дека децата треба да бидат љубопитни а не постојано да повторуваат факти. Она што гледам во моментов се студенти кои се лесно подложни на замката на лажните вести затоа што тие се врзани со некаков конфликт. За жал науката, образованието не е спакувано во таква обланда што пак е прилично интересно во однос на ширењето на дезинформациите, вели Трајковиќ.

Дигитализацијата не е ништо друго, туку канал преку кој компаниите може да комуницираат со крајните корисници, во насока на подобрување на процесот и тоа треба да се искористи за подобрување на чекорите во насока на новите предизвици, коментира проф. Трајковиќ.

-ФИНКИ има прилично голем филтер кој што обезбедува тие што ќе завршат на крајот да добијат диплома која ќе биде сертификат на знаење. Мислам дека воведовме принципи на работа кои до ден денес ги негуваме, како практичната работа и поврзувањето со компаниите, вели за Утрински брифинг професорот Владимир Трајковиќ.

Проследете го целиот разговор во видеото