Претставниците на Српската листа денеска заедно со другите пратеници во Собранието на Косово дадоа заклетва дека „ќе се залагаат за заштита и почитување на уставноста, законитоста, суверенитетот, територијалниот интегритет, институционалниот интегритет на Косово и обезбедувањето гаранции за човековите права и слободи“, објавија медиумите.

Претседавачот побара од пратениците да станат додека тој им ја чита заклетвата, а потоа нагласи дека мора да ја потпишат за да биде валидна. Според приштинските медиуми, заклетвата ја потпишале сите, вклучително и претставниците на Српската листа.

Дека пратениците на таа партија ја потпишале заклетвата тврди и претседателот на Здружението на новинари на Косово, Џемаиљ Реџа, кој изјавил дека наводно „се обидувале да ја сокријат“, пренесува КоСсев.

Пратениците на Српската листа се обидуваа да скријат дека ја потпишуваат заклетвата, а највисоките претставници Златан Елек и Славко Симиќ беа видени како ја напуштаат салата за да ја потпишат заклетвата.

Тој објави и видео на кое се гледа како Симиќ прво со хартија во рака ја напушта собраниската клупа, а потоа и Елек со папка.

Во текстот на заклетвата, кој пред пратениците го прочита претседавачот на седницата, Авни Дехари, се вели:

„Јас, пратеникот во Собранието на Република Косово, се колнам дека чесно и посветено ќе ги извршувам своите должности и достоинствено ќе го претставувам народот, дека ќе работам во интерес на Косово и на сите граѓани, ќе се залагам за заштита и почитување на уставноста, законитоста, суверенитетот, територијалниот интегритет, институционалниот интегритет на Косово, човековите слободи на земјата и одредбата на државата. Се колнам“.

Poslanici Srpske liste potpisuju zakletvu u kojoj stoji da će braniti suverenitet i teritorijalni integritet Kosova, neki su izašli iz sale i potpisali u hodniku da ih ne bi snimili kako potpisuju.
pic.twitter.com/xnM4lkwUg4

— Consigliere® (@santickaopesnik) April 19, 2025