Состојбата со ковид-19 во Косово, изненадувачки, не ескалира. Има предупредувања дека се очекува бранот што ја зафаќа Европа да го зафати и Косово, изјави во „Утрински брифинг“ на „Слободна ТВ“ аналитичарот Илир Ајдини.

Но покрај темите поврзани со ковид-19, трибуналот во Хаг и поврзаноста на одредени политичари со евентуални судења е во центарот на вниманието во Косово.

„Во јавноста се шпекулира дека со тоа што Меѓународниот суд во Хаг не се изјаснил досега,  прифатен е предлогот на обвинителството Тачи и Весели да бидат судени. Според аналитичарот Зека, тоа би значело и нови парламентарни избори“, смета Ајдини.

„Ветераните не го признаваат овој суд“, истакна Ајдини додавајќи „албанската јавност се противи на однесувањето на судот, се подготвува Закон за ветерани со кој би се смениле и надлежностите на Меѓународниот суд“.

Проследете го целиот разговор со аналитичарот Илир Ајдини: