Снимка од контроверзен потег на поранешниот советник на Доналд Трамп, Стив Бенон, направен за време на неговиот говор на Конференцијата за политичка акција на конзервативците (CPAC), предизвика нови превирања и поттикна нови прашања, слични на оние со нацистичкиот поздрав на Илон Маск на инаугурацијата на Трамп.

Виралната снимка од врвниот настан во светот на конзервативната политика, на кој годинава учествуваше и македонскиот премиер Христијан Мицкоски, покажува како Бенон на крајот на говорот прави поздрав кој многу потсетува на нацистичкиот.

„Единствениот начин на кој тие победат е ако се повлечеме, а нема да се повлечеме, нема да се предадеме, нема да се откажеме. Борете се, борете се, борете се“, рече Банон, пред да го изведе сомнително познатиот поздрав со десната рака. Публиката потегот го поздрави со аплауз, а Бенон потоа кимна со главата и рече „амин“.

Поранешниот главен советник на Трамп предизвика големи контроверзии со поздравувањето и веднаш беше обвинет дека го извел нацистичкиот поздрав.